~ Zindagi aur Muhabbat ~

thehry paanion ki trha khamooshi se chalti hue zindagi..
kbhi kbhi ek aesa mor leti hai k hum hairan reh jaty hain...
jesy mausam apni mizaaj badaly aur usi thehry hue pani main lehroon ki halchal hojae..
bilkul wesy he..ek unexpected...unpredicted sa turn..
jo hmny apny khuwab o khayal main bhi nhe socha hota...
aur hum us certain point per hairan ho kr sochty hain k..aray ye kia hogya..
andazay lganay lgty hain k ye jo bhi hua hai iska result kesa hoga...
or phir hazar andaishoon aur waswasoon main ghiray rehny k bawajood wo naya moor humain apna bana he dalta hai...
ek ek kr k her guzarty lamhy k sath her andaisha, khoof aur wehm kahen gum hony lgta hai...
zindagi ki khoobsurti per phir se yaqeen hony lgta hai...
her subha phir se naye zindagi ka aghaaz aur her raat saray dukhoon ka ikhtitaam lagta hai...
be sabab labon per muskaan se theher jati hai..
aur hawa ki sursarahat bhi jesy koi mouseeqi se sunany lgti hai...
bila waja he hum gungunany lgty hain...
ankhon main sitaray baseera kr lety hain...
hum khud se sawal krty hain k aesy bhi hoga kab kisny socha tha...
ujra hua dill phir se bahar ki amad ka pata denay lgta hai...
banjar jazboon per naye rutoon ki konpalain phootnay lgti hain..
kisi ki khushbu jesy saans k aas pass rehny lgti hai..
kisi ki chamakti ankhain kali se kali raat ko bhi roshan krny lgty hain...
jazbay lutata lehja kaanon main ras ghoolta hua dil main utarny lgta hai...
aur zindagi bhaar sath nibhany k waaday phir se usi bejaan wujood main ek naye zindagi bharny lgty hain...
usky atay he jesy her cheez pas e parda chali jati hai...
jesy spotlight party he baki sb andhairy main chup jata hai...
aur waqae background main violen bajnay lgta hai...
aur bus wohi ek insan apka sub kuch hojata hai...
hamdard...
saathi...
dost...
humsafar..
aur mohabbat!!